Hausa Novels

Download Fulanin Tashi Hausa Novel Complete

Fulanin Tashi Hausa Novel Page 1 & 2

Hankali tashi ta shigo gidan kamar an jehota, kai tsaye ɗakinsu ta shiga ta fara dube-dube tana wani kalan kuka, sosai ta firgita da rashin ganin Baffa da Kuka kowwani lungu da saƙo na gidan duk tabi ta duddba amman bata gansu ba, cikin yanayi na ruɗu da tashin hankali ta fita daga gidan ta kama hanyar makarantarsu, da yake tafiyar ba cikin konciyar hankali ta ke yi ba sjiyasa cikin lokaci ƙanƙani ta isa makarantar, Uncle Ammar ta samu zaune ya zabga uban tagumi shi kaɗai ganinta kawai da ya yi daga sama yasa gabanshi wani ya yi wani kalan mummunar faɗuwa ƙirjinshi ya fara dukawa kamar ze fita, duƙar da kanshi ya yi ƙasa ziciyar na harbawa da sauri da sauri, ita ko samu wuri tayi kusa gareshi ta zauna, sunyi zama kamar na binti uku babu wanda yace da wani ƙala cikinsu, daga bisani kuma ta fashe da wani kalan kuka mai tsuma zuciya, Uncle Ammar dake kusa da ita ya tashi ya miƙe zai tafi, hannunshi ta kama da dukka hannayenta ta ƙara fashewa da kuka cikin maganarta da bata fita da kyau tace “Ancle Amar sun tafi sun barni ba ni da kowwa Baffa da Kuka sun tafi”, ta ƙara fashewa da kuka.
Ammar kuwa kallonta ya ke yi kamar yau ya saba ganinta ranshi a matuƙar ɓace ya tun kuɗeta ta faɗi ƙasa zuciyarshi na zafi ya ɗaga kai ya kalleta haɗi da nunata da hannunshi bakinshi har rawa ya keyi wajen faɗin “Wallaahi Samha kika ƙara nuna kinsan ni sai nayi miki wulaƙanci”, ya faɗa yana watsa mata yawon bakinshi, harya fara tafiya sai kuma ya dawo ya ɗauki farar takardar dake kan bencin da ya zauna sannan ya yi tafiyarshi,

da kallo Samha ta bishi kana ta miƙe tsaye ta nufi gidansu, ko da ta isa gidan babu wanda take kira sai Kuka da Baffa tana kuka tana nemansu, samun waje tayi da zauna akan tulin ciyawar dake wajen tasa kanta tsakan kanij gwiwarta tana kuka, miƙewa kuma tayi kamar an zabureta ta fara bin shatin ƙafafunsu Baffa da kuma shanayensu tayi tafiya mai nisan gaske amman bata taddasu ba wannan shiya tabbatar mata dasu Baffa sun tafi kenan, hankalinta ba ƙaramin tashi ya ƙarayi ba gashi ta gaji ga galabaitar da tayi wajen wani kududdufi ta samu ta zauna kanta na wani kalan sara mata, tana nan zaune wasu matasa suka zo wucewa su biyu, Lamiɗo ne ya kalli Giɗaɗo yace “Hai Giɗaɗo ka ga Samha can muje mu sameshi”, da sauri Giɗaɗo ya ɗaga kai ya kalleta sannan ya saki wani murmushi mai kyawon gaske da ya ƙarama fuskarshi kyau sannan ya buga sanda haɗi da cewa “Mu tai”,

Samha kuwa tana hango su Giɗaɗo da Lamiɗo ta miƙe tsaye a zabure ta fara gudu hankalinta a matuƙar tashi, hanyar gida ta kama su Giɗoɗa na biye da ita, kasancersu maza manyan garadai shiyasa suka cin mata lokaci ƙanƙani.

Hannunta Giɗaɗo ya kama haɗi da waska mata wani kalan mari wanda sai da ganinta ya ɗauke gaba ɗaya, a gifice ta ɗago ta ganna masa cizo amman ko gizau beyi ba, marinta Lamiɗo ya yi shima yana dariya, Giɗaɗo ne ya cire mata ɗankwalin dake kanta ya ingizata ta faɗi, bulalar da suke dukan shanu da ita ya ɗaga ya fara dukanta ta ita tana kuka kamar ranta zai fita.

suna tsaka da tafiya Baffa ya dafe ƙirjinshi a daidai lokacin da Kuka ita ma ta dafe nata ƙirjin cikin yanayi na ciwo ta kalli Baffa sannan tace “Baffa Samha anya ba muyi kuskuren barin Samha wajen kaɗo ba? Baffa Samha ƙirjina zafi ya keyi anya babu wani abu da yake faruwa dashi kuwa?”, ta faɗa tana rushewa da kuka haɗi da dafe zuciyarta dan danan wani kalan tari ya sarƙeta, dukka ayarin da suke tafiya suka dakata saboda jin tarin Kuka sukayo kanta gaba ɗaya, amai ta farayi da guda-gudan jini, da sauri Hamma Surajo ya ɗauko magungunanta ya bata sannan ya bata soyayyen man shanu da kettu,
cikin lokaci ƙanƙani tarin ya lafa, kana Hamma Surajo yace ma Baffa ko zasu dakata da tafiyar su ɗan huta saboda Kuka tana wahala gashi tafiyar ƙafa za suyi suje wani garin duk da sunyi nisa sosai dan har sun fita daga mai duguri sun fara shiga yankin nijar, Baffa bai ƙi ta Hamma Surajo ba suka samu waje suka zauna sannan Baffa ya kalli Kuka haɗi da dafa kafaɗarta sannan yace “Kuka ki tsaida hankalinki gu ɗaya babu abinda ke faruwa da Samha kawai kewarta ce ke damunki, sannan kin sani kanki Ammar ba zata cutar da Samha ba, kin manta shine Malaminta da ya yi Alƙawarin kareta da mutuncinta”, ya ƙarashe maganar yana jinjina mata kai.

da sauri Samha ta tashi ta fara gudu kamar zata tashi sama Giɗaɗo da Lamiɗo ma mara bata baya au kayi, ji tayi ta bangaji mutum kamar dutse wanda saboda gigicewar da tayi bata ma san kowaye ba, ƙanƙameshi tayi ta baya ta saki wani kalan kuka mai ban tausayi, cireta ya yi a bayanshi ya juya da ita ta gabanshi ya kalli fuskarta, a matuƙar firgice Ammar y yake kallonta ranshi a ɓace yaja gefe da ita ya zaunar da ita a kusa da dutsen dake wajen sannan ya tinkari su Giɗaɗo, ganinshi kama mayunwacin zaki yasa su Giɗaɗo firgita suka juya a guje binsu ya yi da gudu shima aikuwa yaci sa’ar kamasu ya zare belt ɗin dake kwankwason shi ya fara dukarsu dashi kamar an aikoshi srda ya tabbatar da ya musu lilis ya barsu kwance tukum ya dawo ya ɗauki Samha cak ya yi da ita gida.

Ajiyeta ya yo gefe ya haɗa wuta ya ɗaura ruwa, tukum ya dawo kusa da ita, kallonta ya yi fuska babu alamun wasa sannan yace “Ke Uban me ki kaje yi wajen Giɗaɗo har suka miki wannan dukan”, ya faɗa yana zabga mata harara.
Cike da tsoronshi da ya bayyana ƙarara a fuskarta tace “Uncle Ammar babu abinda nayi musu, na fita biɗarsu Baffa da Kuka ne suka ganni suka kamani da duka”, ta faɗa kwalla na zubowa a idonta,
Ƙara murtuke fuska Ammar ya yi sannan yace “Kinga Samha ke da su Kuka sai a lahira na rantse da Allaah duk ranar da kika ƙara fita ba tare da izinina ba sai na ɓallaki, harta boko kika ƙara zuwa sai na naɗa miki duka banza kawai sha sha sha”,
Kallonshi Samha ta ke yi sosai cikin zuciyarta tana ƙara maimaitawa ita da su Baffa sai a lahira kenan sun tafi kenan sun barta.
Shikenan dama Kuka da Baffa basa sonta hawaye ne ta fara tsatsafowa daga idanunta tana shirin fashewa da kuka Ammar ya daka mata tsawar da sai da ta firgita, nuna ta ya yi da yatsarshi yace “Wallahi kika mim kuka sai na fasa miki baki”, tsit Samha tayi sedai hawayen dake fita daga idonta,
Ɓangaren Ammar kuma ɗaki ya faɗa ya ɗauko first Aid box ɗinshi ya dawo, kujera yaja gefe kusa da ita ya zauna,
“Miƙo ƙafar!”, yace da ita cikin ɗaga murya, ganin fuskarshi babu alamar wasa yasa ta miƙa ƙafar tana kallonshi, harara ya wurga mata tukum ya kama ƙafar ya fara wankewa, a hankali ta fara jin zafi saboda wankin da hydrogyne ne, tun tana daurewa harta fara kuka tana cije baki amman bai kyaleta ba har sai da ya gama mata dressing ɗin tukum ya sake mata ƙafar, zuwa ya yi ya mai da sannan ya juye mata ruwan wanka a botiki ya surka haɗi da kallonta, idonshi ne ya faɗa kan fuskarta yadda tayi dama-dama da majina babu kyan gani, tsaki ya yi cikin zuciyarshi yana faɗin nikam an haɗani da jaraba wallahi, zuwa ya yi ya cafko wuyar rigarta seda ta kusa faɗuwa ya yi sauri ya tare ta, Samha kuwa kallon fuskarshi tayi da sauri ta sunkuyar dakai gani tayi ya koma mata kamar wani dodo.
ɗago idon da zata ƙarayi suka yi 4eyes wanda sai da ƙirjinshi ya bada wani kalan sauti, ranshi a matuƙar ɓace ya ɗago yace mata “ke! dan ubanki ubanwa kike kallo,?” sunkuyar da kanta tayi bakinta na rawa kamar mazari tace “kiyi haƙuri Uncle Ammar bake nike kallo ba”, ta faɗa cikin yanayin maganarsu na fulani,

kama bakinta Ammar ya yi da dukka hannayenshi biyu ya ja sosai tukum ya saƙala hannayenshi ciki wata kalar azaba ce ta ziyarci Samha har bata san sanda ta saki fitsari a tsaye ba, shiko Ammar besan meke wakana ba faɗi kawai yake “shegiya kawai zaki gane kurenki yau sai na mai da wannan shegen bakin naki mai kama da na Aku babba, banziya kawai”, ya ƙarashe maganar yana ingizata ta baya ta faɗa kan ciyawa, kuka Samha ta rushe dashi, ya yinda Ammar ya juya a fusace zai wuce nan ya kula da fitsarin da Samha tayi, riƙe baki kawai ya yi ganin fitsarin har takalmanshi sai da suka taɓa, cikin zuciyarshi kuwa yana hararo irin dukan da zai mata yau.

kallon gefenshi ya yi aikuwa idonshi ya faɗa kan ramdar dake kusa dashi, tuntsirar da ruwan zafin dake cikin bukiti ya yi ya kamfato ruwan randar wanda ya yi sanyi sosai ya an taya ma Samha a jiki, a firgice ta miƙe tsaye jikinta na kaɗawa gashi yanayin garin lokacin sanyi ne, cire belt ɗin dake jikinshi ya yi ya kama dukanta kamar an aiko shi haɗi da marinta sai da ya yi mata lilis sannan ya barta a wajen ya wucewarsa, ita ko Samha ta daku babu abinda ta ke yi sai ajiyar zuciya tana kiran sunan Baffa da Kuka da Hamma surajonta,

Sedai su Baffa suka huta lokacin ciwon Kuka ya lafa, sauke guzurinsu su kayi suka ɗaura ma tumaki, tukum Baffa ya ƙara jera kayan da kyau har aka samu inda Kuka zata zauna tukum suka kaɗa tumakinsu da shanaye suka ci gaba da tafiya,

Sai da yamma liƙis tukum Ammar ya dawo lokacin Samha tayi barci ta farka, wajenta ya yo gadan-gadan kamar zai daketa saboda haushi ta ƙara bashi, lalle yau ya tabbatar da halin fulani da ake faɗi kenan, wato tana nan inda ya barta bata tashi ba, ɗaga hannu ya yi da niyyar marinta kawai idonshi ya sauka kan fuskarta, da kallo ya bita ganin lahanin da ya yi ma ƴar mutane gefen fuskarta ta bakinta ba ƙaramin kumbura su kayi idanuwanta sun rufe rub sai ƙwayar fari-farin da kake hangowa, gaba ɗaya ta fice hankalinta kamar ba Samha da ya sani ba, tsaki ya yi ya juya ya nufi ɗaki, ashana ya ɗauko ya ƙara haɗa wuta ta ruru tukum ya ɗaura tukunyar kasa, ya dawo kusa da ita ya zuba mata ido yana kallonta, suna haɗa ido sai ya duƙar da kanshi ƙasa yana waskewa, tunanin ya makomar rayuwarta ya fara yi wanda tunda ya ɗauki alƙawarin kula da ita wannan tunanin yake masa yawo a kwakwalwa, lalle ya ɗaukarma kansa babban abu wanda kwata-kwata beyi shawara da wani ba kafin ya yanke wannan hukuncin, lalle akwai gagarumar matsala, tunaninshi ne ya tsaya cak! saboda Ni’ima da ta faɗo masa arai, “tabɗijon ya ayyana aranshi saboda yasan halin Ni’ima sarai, ga kuma Anty Shuraima da tafi kowwa matsala ga tafiyar tashi ta ƙaraso zuwa gobe shi ba wani aboki yake dashi ba balle ya nemi shawarshi,

Bayan kamar mintuna goma da ɗaura ruwan ya tashi yaje ya taɓa yaji ya yi zafi rau, juye mata ya yi a bokiti ranshi na ƙara ɓaci ya kai mata banɗaki tukum yazo ya tada ita yana kawar da kanshi gefe, tsandara ihu tayi wanda sai da ya saka hannayenshi ya rufe kunnenshi “Lafiya!?” ya daka mata tsaya, hannunshi ta kama da hannu biyu tana faɗim “Uncle Ammar ƙafata zata karye “,ta faɗa cikin harshen fulani.

Kasancewar Ammar ya yi zama da Hamma Surajo kuma yana fahimtar fillancin babu laifi yasa ya fahimci me take cewa, “zata karye”, ya maimaita aranshi, karde ace ya targaɗa ƴar mutane, sai yanzu ma ya kula da ƙafar harta tasa, zaunar da ita ya yi gefe ya ɗauko ragga (tsumma) da ruwan zafi ya ja yatsar sannan ya gasa mata tana
kuka tana turjewa a haka suka gama sannan yace mata “miƙe kije kiyi wanka”.

kallonshi tayi tace “Uncle Ammar ban iya wanka ba, Kuka ce take min kullum”,

A zabure Ammar ya kalleta idanuwanshi suka firfito waje kamar me shirin shiɗewa yace “me kika ce!”,

ɗaga masa kai tayi sama ta maimaita masa abinda tace, buga ƙafa ƙasa Ammar ya yi kamar zeyi kuka sannan yace “Yanzu ni keki so na miki wankan kenan?”, dan tabbas an haɗashi da aiki babba ba ƙarami ba…….

Fulanin Tashi Hausa Novel Page 3 & 4

Bakinta har yana rawa wajen faɗin “Aa zanyi da kaina”, nannauyar ajiyar zuciya ya sauke cikin zuciyarshi yana faɗin gaskiya akwai aiki gaba,

Ruwan ya ɗauka ya kai mata bayi sannan ya dawo yace “in kinga dama ki tashi kije kiyi in kuma baki ga dama ba ki zauna har sarkin zama yazo ya sameki”, ya faɗa yana shigewa ɗakin,
Ɗan tsayawa Samha tayi jim kaɗan saboda ita bata masan ya zata fara yima kanta wanka ba, ganin tsayuwar ba zata mata bane yasa ta cangala ƙafa ta wuce bayi wanka tayi jiƙa-jiƙa wanda ake kira da saka tsami dan ba tayi amfani da sabulu ba ta fito ƙafar nan duk dauɗa ga fasonta duk ta fama dan dama Kuka ce ke ƙoƙarin gyara mata ƙafar, ɗaki ta faɗa ta shafa mai da huda tukum ta ɗauki kayan fulani kalar blue ta saka sai a sannan ta fara jin wani kalan sanyi na shigarta,
bargon da suke lulluɓa ita da Kuka ta ɗauka ta lulluɓe gaba ɗaya jikinta, ba jimawa barci ɓarawo ya saceta,

Ɓangaren Ammar kuwa bayan ya tabbata ta gama wankan ta wuce ɗaki sannan shima ya fito ya surka ruwan ya kai bayi, wanka yayi ya ɗauro alwala sannan ya fito, sallaya ya shimfiɗa ya yi sallaah beko tsaya shafa mai ba shima yabi lafiyar gado saboda ba ƙaramin gajiya ya yi ba ga ɓacin rai da ɗacin da zuciyarsa ke masa duk suka haɗu suka masa yawa a maƙoshi.

Yana nan kwance ya yi shiru ya lula duniyar tunani kiran Ni’ima ya shigo wayarshi, ƙin ɗaukar wayar ya yi seda ta kira sau kusan huɗu sannan ya buga tsaki ya ɗauka wayar danshi tsakani ga Allaah yanzu haushin kowwa ya keji.

lumtse idonshi ya yi zuciyarshi fes saboda yadda yaji Ni’ima ta kira sunanshi da “My soul”, har cikin jinin cikinshi seda yaji sunan kamar bashi ba,
“Na’am ranki shi daɗe barka da war haka”, Ammar ya faɗa idonshi a lumshe dan ba ƙaramin sagewa jikinshi ya yi ba, tsakani har ga Allaah bazai iya kwatanta irin son da yake ma Ni’umatullah ba, muryarta ce ta dawo dashi daga ɗan hutun da ya tafi na ƙanƙanin lokaci “My soul naji kayi shiru ne”, Ni’ima ta faɗa tana ƙara lafewa jikin Momi,

“No Ni’ima ki bari zuwa an jima zan kiraki”, yana gama faɗar haka ƙit ya kashe wayar,
Ni’ima kuwa kallon Mominta tayi tana murmushi haɗi da rufe fuskarta da hannayenta tukum tace “Momi yace zai kirani zuwa an jima, wallaahi na ƙosa naga Ammar gaba ɗaya kewarsa ta dameni”,

“Eye”, cewar Momi tana dariya,

Ɓangaren Ammar kuwa koma wa yayi kan gadon bonon ya konta yana tunanin mafita kafin zuwa gobe da safe, yana nan kwance bacci yaci nasarar ɗaukarshi,

*Waiwaye*

*BORORO* wasu fulani ne da ake ma laƙabi da fulanin tashi,Fulani ne da ke yawo daga guri zuwa wani gurin. Basu da takamaiman gurin zama guda ɗaya. Kullum a tafe suke suna ƙoƙarin samawa dabbobinsu na kiwo guri mafi yalwar abinci. Suna kiwata shanu, awaki, tumaki, kaji, zabi da sauransu
Mahaifin Samha wato Baffa sun kasance suna zama na tsawon shekara ɗaya a waje, in suka zo lokacin tafiyarsu nayi zasu tartara komatsansu su ƙara gaba, Baffa ɗan asalin senegal ne yawon kiwo ya kawoshi nigeria a nan ne ya haɗu da Kuka Mahaifiyar Samha har suka daidaita, bayan bincike da akayi aka gano mahaifin Samha (Baffa) mutum ne mai karamci da nutsuwa uwa uba ilimin Addini, bayan aurensu da sati biyu Baffa ya tartaro tare da Kuka suka dawo gombe da zama, anan suka yado zango a kaltingo, mahaifiyar Samha sana’ar seda Nono ta keyi jama’ar gari da kansu sukan shigo cikin rugar Arɗo su saya, bayan shekara ɗaya da aurensu Allaah ya azurtasu da samun ƙaruwar ɗa na miji, bayan Kuka tayi arba’in taje gida daga can Baffa ya ɗauketa zuwa senegal nan ma taga danginshi, shekararsu ɗaya a senagal suka ƙara tartarowa zuwa najeriya, Bayan haihuwar Hamma Surajo sai da Kuka tayi shekara bakwai sannan taƙara haihuwar ɗiya mace, taci sunan Mahaifiyar Baffa Ruƙaiyah amman sun ɓoye sunanta ana kiranta Samha, tunda aka haifi Samha Baffa da Kuka da Hamma Surajo suka ɗauki son duniya suka ɗaura ma Samha komi Hamma Surajo ya samu Samha haka Baffa da Kuka,

Bayan Samha ta kai shekaru shida suka fara fita kiwo da Hamma Surajo, sannan Baffa ya saka su makarantar Allo data zamani, Samha nada matuƙar wayau da mai da hankali ga karatu duk abinda ta sanya a gaba shi ta keyi, wannan dalilins yasa ba ruwanta da kowwa ta mai da hankalinta ga karatun ta musanman karatun boko, Samha na Aji uku a ƙaramar makaranta Uncle Ammar yazo bautar ƙasa a garin kaltingo, kasancewar karkane wajen babu wadataccen gurin zama ga yanayin wajen sai a hankali shiyasa ya fara kwana a cikin makaranta ya ware wani aji wanda ba’a karatu ya mai dashi masaukinshi.
Wata rana anyi ruwan sama irin mai iskar nan duk ya jiƙa Ammar da kayansa gashi babu wurin zuwa, anan ne Allaah ya haɗashi da Baffa lokacin ya gama kiwo yana dawo wa, ko da Baffa ya nemi Ammar yazo gidansa ya zauna da ƙyar da suɗin goshi ya yarda, da farko ba ruwansa da kowwa dan ko abincinsu baya ci a cewarshi ƙyamarsu ya keyi daga baya kuwa sai ya gyare ya zama ɗan gari komi ci yake sosai, har suka ƙulla abota da Hamma Surajo, tafiya tayi tafiya lokacin tafiyarsu Baffa yazo, ga karatun Samha kuma Baffa ya daɗe yana tunanin akan shawarar da zai yanke daga baya kawai ya yanke shawarar gara ya barma Ammar Samha, tayi karatu a wajensa mai nisan gaske wanda da shine zata ceci kanta, Baffa ya samu Ammar da maganar, Ammar kuma ya amince itama Kuka ta amince haka Hamma Surajo, ranar da su Kuka zasu tafi aka ɗaura ma Ammar Aure da Samha ba tare da ya yi shawara da kowwa ba, Baffa ne wakilin Samha sai liman wakilin Ammar, bayan an gama ɗaurin auren Baffa ya tartara kan iyalanshi da shanayenshi suka lula lokacin ita kuma Samha ta tafi rafi ɗibo ma Kuka ruwa, wannan shine.

*Dawowa labari*

cikin dare zazzaɓi ya rufe Samha mai zafin gaske, bakinta ne yaketa karkarwa jikinta na rawa kamar mazari ga kanta da yake ciwo kamar zai rabe gida biyu, ga tsoro ga duhun da gari ya yi, ya yinda Ammar shima ƙarfe biyu dai-dai ya farka, damuwa da tunanin yadda zai yi da Samha sun haɗu sun masa yawa aka, ga ƙaƙubabben aurenta dake kansa, “Mtsw”, ya ja tsaki zuciyarsa na masa babu daɗi tabbas akwai rigima gagaruma idan Ni’imatullah ta san da wannan auren, abu mafi girma ma iyayenshi amman ba komi yasan yadda zai yi da Abu tunda shine matsalar, ganin zancen zuci bazai masa bane yasa ya miƙa ya fito waje ya ɗaura alwalla sannan ya koma ɗaki dan gabatar da sallar nafila, ƙidar da sallaar keda wuya ya fara jiwo nishin Samha ƙasa-ƙasa, kasa kunne ya yi dan ya tabbatar da ta ina yake jiwo nishin nan, wani dogon tsaki yaja saboda ya tabbatar da Samha ce ke wannan nishin, banza da lamarinta ya yi, ya ci gaba da addu’a bai tashi daga kan sallayar ba seda ya jiwo kiran sallaah, miƙewa ya yi da casbi a hannunshi ya fita gidan gaba ɗaya ya tafi masallaci.

Samha kuwa saboda bige-bigen da ta keyi har ta faɗo ƙasa sai uban sambatu ta keyi kamar zautatta, kiran sunan Baffa da Kuka ta keyi murya ƙasa-ƙasa, can kuma ta fara kiran sunan Hamma Surajo tana neman temako, faɗi take ” Ayya Allaah sarki wayyo ni Allaah Uncle Ammar kizo ki ceceni, kada in mutu ban ƙara ganin Kuka da Baffa ba, Hamma Surajo ina kake kazo ka bani ketto jikina zafi”, tun tana iya sambatu har tayi shiru ta fara shiɗewa idanuwanta suka fara sama tana miƙewa kamar me shirin barin duniyar gaba ɗaya,
(Samhaty Habibty how market nasan ba kida dauriyar ciwo)😉😜

sai da gari ya yi haske lokacin har rana ta fara fitowa sannan Ammar ya dawo gida lokacin Samha ta galabaita sosai, ɗakin Hamma Surajo inda yake kwana ya shiga yayi shirinshi tsaf ya fito kamar wani bature ya rataya jakarshi ya fito waje, tsayawa ya yi jugum a barandar gidan yana tunani, zuciya mai saƙe-saƙe wata zuciyar tace dashi ya tafi wata kuma ta kwaɓeshi, ya kai a ƙalla 30mins yana tunanin ya zeyi, cikin rashin ƙwarin gwiwa ya nufi ɗakin Kuka, Sallama ya yi, yaji shiru babu wanda ya amsa jugum yayi a tsaye a wajen yana tunanin ina Samha ta tafi, yana tsaka da tunanin ya fara jiyo numfashin Samha ƙasa-ƙasa, kasa kunne ya yi danya tabbatar da me yake ji, tabbas numfashin nata ne, jiki a saɓule ya ajiye jakar dake rataye a kafaɗarshi ya shiga cikin ɗakin,

Cin karo ya yi da abu a ƙasa kamar mutum, tsayawa ya yi cak ya ɗauko wayarshi a cikin ajihunshi ya kunna dandanan haske ya bayyana a ko ina, kallon abinda ya ci tuntuɓe dashi ya yi, ja da baya ya yi sosai cike da tsoro yake kallonta,
Samha ce kwance cikin amai mai yawan gaske, numfashi ta keyi ƙasa-ƙasa wanda iyakarshi maƙogoronta, ba ƙaramin firgita ya yi da yanayinta ba ganin sauran numfashin nata yana ƙoƙarin barin jikinta gaba ɗaya, cikin ruɗu da tashin hankali ya tsoguna ƙasa ya tallabota gaba ɗaya a ƙirjinshi yana kallonta, gaba ɗaya tunaninshi ya tsaya cak ganin numfashin nata ma ya idashe tafiya.

A ruɗe ya sunkuceta gaba ɗaya ya fito da ita waje, a saman ciyawa ya ajiyeta ya miƙe kamar mazari ya isa wajen randa ya buɗe ya ɗauki cofin dake ajiye a saman randar ya ɗibi ruwa wanda ya yi sanyin gaske kamar an sanya shi a fridge, cikin sauri-sauri yazo ya watsa ma Samha ruwan amman bata ko motsa ba, miƙewa ya yi ya ƙara ɗibo ruwan, wannan karan a kwarya ya ɗibo ya watsa mata.
Firgigit ta farka jikinta na wani kalan rawa kamar ana kaɗata, haƙoranta na ƙara sosai idonta na zubda wasu zafafan hawaye, dafe kanta tayi da hannayenta dukka haɗi da kwalla ƙara mai ƙarfin gaske “Kuka”, ta kira sunanta,

“ke!”, Ammar ya daka mata tsawa sannan ya ci gaba da cewa “ki nutsu nace ko, wallahi kika ƙara yin motsi sai na ɓallaki”, ya ƙarashe maganar yana miƙewa jakarshi ya ɗauko ya ɓalla magani ya bata paracetamol da amozin dan ya rantse ya kuma rantsewa ko mutuwa za tayi sedai ta mutu amman shi tafiyarshi zeyyi,

Yana bata maganin ya miƙe haɗi da rataya jakarshi babu imani a tartare dashi ya fice.

Samha na kallonshi ya tafi bakinta ya kasa furta komi, tana ta ƙoƙarin dakatar dashi da ido amman ya kasa fahimta, hawaye ne keta shatata daga idonta cike da tausayin kanta da kanta taja jikinta da rarrafe ta shige ɗaki, a ƙasan siminti tayi ma kanta makwanci dan ta tabbatar yanzu ba tada wani ƴanci ko gata shikenan ta ta taƙare, gara ta fara rayuwar rashin gata tun yanzu,
Wani ɓangare na zuciyarta kuma tana jin zafi da ƙonar tafiyarsu Baffa, duk da ita yarinya ce sosai amma tasan zafin rashin iyaye kusa gaskiya su Baffa basu mata adalci ba.

Ammar kuwa babu tausayi a zuciyarshi yaje tasha ya haye mota ya yi kano washe gari jirginsu zai tashi zuwa Abuja.

Fulanin Tashi Hausa Novel Page 5 & 6

Ammar ya isa kano lafiya, ya sauka a gidan wani amininshi Jalaludeen.
Bayan sun ɗan taɓa hira ne suka fita yawo, shima sai da Jalaludeen ya tursasa Ammar kafin ya je saboda kwata-kwata Ammar ba mutum bane mai san yawon jaraba ya fison kaɗaici fiye da shiga cikin mutane.

sai gabda sallar magrib suka dawo da kaya niƙi-niƙi a hannu, wani ɗaki suka jide kayan dukka sannan suka zauna zaman huce gajiya, labari sosai su kayi na makaranta amma sam Ammar be fahimta duk wani motsi da zeyyi sai gabanshi ya faɗi idan ya tuna ya bar ƴar mutane a cikin jeji bata san kowwa ba ga amanar da iyayenshi suka bashi ga ƙaƙubebben aurenshi dake kanta dana sani da nadama amincewa ta saka shi a gaba ta hanashi sukuni.

Ɓangaren Samha kuwa bayan wani lokaci jikinta ya ƙara zafi sosai, har wani huci yake fita mata ga azababben ciwon kai dake damunta bata ko iya miƙewa a haka ta rarrafa zuwa ɗakin Hamma Surajo ta ɗauko man shanu da magunguna sai wani ajiyayyen nono wanda ya daɗe a ajiye daga gani ya yi tsami, amma saboda yunwar dake ƙwaƙularta yasa ta kafa kai ta shanye shi tas ba tare da taji tsamin ba, magani ta ɓalla tasha sannan ta koma ta kwanta a katifar da Ammar yake kwana taja bargonshi ta rufe jikinta dukka tana ta ajiyar zuciya a haka har wani malalacin bacci yaci ribar saceta.

Washe gari da sassafe Ammar ya shirya zuwa airport saboda ƙarfe tara dai-dai jirginsu zai tashi zuwa Abuja, Jalaluddeen ne ya ɗaukeshi a motarshi ya kaishi tare da kayayyakin da ya siya, seda Jalaluddeen ya tsaya har jirgin su Ammar ya tashi sannan shima ya juya zuwa gida cike da kewar Aminin nashi.

Babban gidane mai ɗauke da part kusan guda shida, dukka ginin iri ɗaya ne sannan kowwane da gate ɗinshi sedai ba suda wani tazara sosai, zazzaune suke a babban falon gidan wasu a ƙasa wasu a saman kujera, daka kalli fuskokinsu zaka tabbatar da akwai shaƙuwa sosai a tsakaninsu, Ni’ima ce ta shigo bakinta ɗauke da sallama, dukkansu amsawa su kayi sannan ta bisu ɗaya bayan ɗaya ta gaidasu, Ummi dake zaune hakimce akan kujera fuskarta tasha farin glass irin na likitoci, zare farin glass ɗin tayi sannan tace “Ni’ima amma dake za a je ɗauko Ammar ɗin ko?”, sunkuyar da kai ƙasa Ni’ima tayi sannan tace “A’a Ummi zan fitane zuwa an jima zan dawo kafin nan nasan sun iso”,
“Okay”, kawai Ummi tace tukum ta kalli wata yarinya dake zaune kusa da ita, cike da zolaya tace “Auta amma a gida zaki zauna ki bari mu dawo ko?”, Ummi ta ƙarashe maganar tana murmushi! Buga ƙafa ƙasa Auta tayi tukum tace “Ummi aikuwa da tafiyar nan ba tayi kyau ba, ƙafata ƙafarki, babban Yaya guda ace bazan je ɗaukoshi ba gara ma Anty Ni’ima kar taje ta zauna”, tayi maganar tana kumbura baki.

Harara Ni’ima ta zabga mata tana faɗin “Auta nima ba zanje ba, zamu fita da Momi kafin ku dawo mun rigaku ai”,

“E amma Anty Ni’ima ai sai na rigaki ganin Ya Ammar”, ta faɗa tana murmushi.

NI’ima ba tace da ita komi ba ta tashi ta tafi,

_kuyi haƙuri ba muda wutane, Hajiya Maryam sakatariya, Jannat Nasir, Manab, Shafa’atu Real wakasso ina godiya da posting ƙwarai_

Fulanin Tashi Complete

Leave a Comment